【特訊】周六夜英超，曼城作客愛華頓。雙方大部份時間戰況膠著，正當「藍月亮」束手無策之際，小將尼高奧雷利尾段攻破「拖肥」大門協助曼城領先，其後高華錫錦上添花，曼城最終贏2比0全取3分，暫時反壓諾定咸森林升上聯賽第4。

　曼城近期表現稍有改善，不過愛華頓亦非省油的燈，特別主場出擊已經連和4場，今場迎戰曼城互有攻守，上半場30分鐘幾乎領先，達高斯基頭槌頂中柱，愛華頓錯失領先機會，半場互無紀錄。

　下半場曼城加強施壓，踢到尾段換入高華錫同謝利美杜古博一博，終於把握對方一絲鬆懈取得領先，馬菲奧斯紐尼斯右路落底線傳中，20歲小將尼高奧雷利近門撞入，為曼城打開紀錄，尼高奧雷利「首名入球」賠率高達45倍。

　領先後的曼城就好踢很多，補時6分鐘再由高華錫「埋齋」，最終曼城淨勝兩球完場。

　另外，賓福特四比二白禮頓，水晶宮零比零般茅，韋斯咸一比一修咸頓。◇