《香港何濟公止痛退熱散呈獻：中年好聲音3》逢周日晚上8點翡翠台播映，由車婉婉擔任主持，評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審。

　海兒感謝金凱提醒初心：佢每一次上台都提醒番我點解要做音樂

　周日晚(23日）播出一集，是16強晉身14強的1對1PK下半場，最終成功殺入14強的有（排名不分先後），陳芷盈、李金凱、張與辰、劉洋、黃博、占士丁丁、王鄭浚仁、劉曉昆、趙浚承、善玥澄、任永健、曹越、羅逸軒、阮慧珊，至於14強止步的則為陸東成及侯靜伊。今集MVP由海兒負責挑選，海兒宣佈得獎者前感性地表示：「我係學古典音樂，所以一直都好執著技巧，而呢個選手每一次上台，都提醒番我點解我哋要做樂，whywesing，我今日揀嘅MVP係金凱。」對於第二度勇奪MVP，李金凱一臉難以置信，更一度變成天然呆表表者「馬國明2.0」，金凱做了一輪鬼臉後，領獎時不忘先幽自己一默：「還有沒有多一雙筷子給呀？之後再正色道：「我參加過大大小小很多比賽，但我不是一個適合比賽的人，在《中年》應該是我唱得最開心的一次。我愛TVB，我愛中年好聲音，我愛香港。」海兒聽畢即向金凱大派心心。

　周日晚一集，還有新鮮出爐黑馬跑出，就是獻唱《存.不存在》的善玥澄，東東聽到直豎姆指的同時，周國豐亦流露超級滿意樣！東東：「玥澄原來好有character，我好鍾意。不過有一吓佢最高嘅位攞太盡…（但佢）知道就來爆煲，又即刻可好快兩、三秒咁返番去嗰個位，同埋好impressed佢可以喺嗌緊、用力嘅位突然用假音。」周國豐更直指她是黑馬：「你係其中一隻黑馬，因為呢首本來係風平浪靜、內裏係暗湧不斷出現嘅歌，你正正就係唱到呢首歌。」肥媽則貫徹肉緊本色：「頭嗰半首直情捉咗我哋入去，（其實唱）低半度你自己都舒服啲，穩陣啲吖嘛，我個心啱啱做完手術，你唔好令到我有心臟病啦！」

　海兒對張與辰勁驚艷：佢可以控制震音嘅frequency

　至於大熱門張與辰，則完全發揮水準，將《怎樣》唱到極盡完美，令冧得一陣陣的海兒開心地讚不絕口：「佢唱歌都真係好完美，情感上技巧上所有嘢都very close to perfect，有啲技巧好少人做到。第一樣嘢我覺得係佢可以控制震音嘅frequency，即係佢可以有慢嘅震音、漸快嘅震音同快嘅震音，震音都可以玩成咁，真係…呢個係超高技巧嘅操控。第二樣嘢，佢嘅韻母嘅平整度非常高，好順耳好滑，我真係要大讚特讚。」周國豐亦難得大讚：「首歌最難嘅地方係重複又重複，最難係去製造變化，呢樣嘢我絕對冇擔心過與辰！」至於獲得第16及第15名的侯靜依及陸東成，則分別在台上及台下發表離別之言及參選《中年3》難忘的心路歷程。侯靜伊說「音樂上面嘅路難行嘅，但係唔痛苦。」陸東成：「我要多謝呢個節目，我冇諗過再有機會參加歌唱比賽，反而我覺得參加咗呢個比賽係我音樂路嘅開始，唔係結束。鍾意唱歌、音樂嘅人係唔會變嘅，希望呢個節目一路做落去，讓好多喜歡唱歌嘅朋友有途徑去實踐佢哋嘅夢想。雖然我份人冇表情，但其實我好開心認識到好多鍾意唱歌嘅朋友。」◇