無綫外購新劇《大奉打更人》逢周一至五晚上九點半翡翠台播映，演員陣容包括王鶴棣、田曦薇、劉奕君、晏紫東等；劇集主題曲《劇本殺》由張馳豪（Aska）主唱。

　無綫官方社交網近日推出張馳豪（Aska）與陳楨怡（Celina）拍攝的主題曲《劇本殺》，為帶給觀眾新鮮感，MV破天荒九成內容AI製作，兩位主角先在圖書館相遇，之後再齊齊穿越到打機世界，Aska化身中古「猛男戰士」、勇救「仙氣公主」陳楨怡上山下海兼力抗怪獸，最後二人齊齊乘坐巨龍穿越時空返回現實並深情對望，唯美又浪漫的愛情故事就此展開…

　九成內容AI製作網民留言讚好：新嘗試效果幾好

　據製作MV的品牌傳播科（CID）透露，為了配合製作AI，兩位主角需要在綠布幕前靠想像力擺出各種導演要求的動作，然後再收集二人眼、耳、口、鼻、面形、輪廓、表情等等的數據用作後期製作。對於無綫是次新嘗試，網民舉腳支持，留言讚好：「MV製作用AI生成的造型新嘗試效果幾好，既配合劇情又有動漫新鮮感」、「Aska同陳楨怡個Kiss幾可亂真」、「好想睇Aska真人打一次，或者用呢個造型出嚟亮相」、「LOVEthecreativity!!!」、「估唔到有個咁正嘅MV，Aska戲裡戲外都靚仔」、「MV好正，TVB真係一大進步」。

　陳楨怡爆與張馳豪沒有同場拍攝

　張馳豪接受TVB.COM訪問時，透露拍攝時間約為四至六小時：「大概拍咗四至六個鐘，要從八個唔同嘅角度拍攝Reference硬照，要做好多唔同嘅表情同埋動作，例如拎劍、或者跌落水嘅動作咁，好考想像力，對演戲都有幫助。」是次亦是Celina首次參與MV拍攝，還要一來就碰上破天荒AI製作，令Celina大感精彩刺激，Celina接受TVB.COM訪問時說：「出到來效果好逼真同夢幻，自己都覺得好不可思議。」她又笑言最不可思議的，是其實全程拍攝都沒有與張馳豪同過場，最後一幕的深情對望全靠想像演出來，她更笑言由於就位很難，現場拍攝時笑聲不絕：「嗰幕我要一路對住個Mon，然後要靠想像去就番個角度，拍嗰陣成隊crew都有笑，因為我有時唔覺意挨得太近，拍出來嘅效果就變到好似靈魂出竅咁。」◇