獨立唱作人梁煒謙（Vince/表弟）最近在剛舉行的《新城勁爆頒獎禮2025》奪得「新城勁爆男新人—銀獎」，這是他入行以來首個獎項，Vince坦承賽前完全不敢想像自己能奪獎，只視作參與首個樂壇盛會心態出席頒奬禮，「以前喺電視度睇咁大型頒獎禮就睇得多，估唔到自己可以親身參與，心情已經好興奮，真係唔敢諗獎項問題。」

　直到上到頒獎台，聽到頒獎嘉賓陳念慈宣佈得獎一刻，Vince才驚覺已奪得人生首個音樂獎項，「我當時腦海真係一面空白，好彩之前工作團隊有提過我，無論如何都要準備定感言，因為要趁呢個機會好好答謝一班愛錫我嘅人，由5月發表《夜雪》到第二首歌《Midnight Call》，呢7個月來好多曾經幫助過我嘅人，好似師傅翊哥黃翊，希望你滿意我交畀你嘅第一張成績表，仲有幕後功臣蔣嘉瑩，真係煩你唔少，仲有一個好重要嘅人，冇佢我唔會有入行機會嘅表姐黃靖程（十小龍），多謝佢當日帶我上師傅嘅《very cool live》唱歌，種下我踏入樂壇嘅第一步，當然仲有我嘅屋企人同埋朋友，冇佢哋我唔會有動力可以行到而家呢一步，仲有一直幫助我嘅幕後團隊，很感激每位幫助過我嘅人，當然特別多謝新城廣播同埋一班DJ朋友，同埋所有投票畀我嘅朋友，以及到場支持我嘅朋友，我愛你哋，下年會繼續努力。」◇