娛樂訪談節目《星展豐盛理財保險策劃呈獻:一周星星》28日播出的第四集,嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然,主持則是區永權。

　除了宣萱及古仔的爆笑互動夠搶焦,兩位的「出土考古片」亦極有話題性。先說宣萱,原來宣萱1994年曾於公司一個活動上,公開提出藝人與歌星合作拍劇的問題,當中包括遲到!當時宣萱的樣子雖然仍相當幼嫩,但說出的言辭卻極之有Point,令同場的鄭伊健及郭晉安拍爛手掌之餘,坐在宣萱附近的古仔亦聽到託晒腮兼凝望宣萱。談到當年「烈女」事件,宣萱搞笑謂:「我都話好多謝公司冇雪我咯,呢個係真心話來嘅!」古仔聞言又玩搭嗲:「係人拍劇都會遲嘅。」豈料宣萱認真謂:「我唔遲。」古仔即改玩「擦鞋」:「咁你咪做阿姐咯。」除了「烈女敢言」出土片,製作組還翻出了宣萱同一年在音樂節目《周末任你點》中的超勁跳舞片與眾同樂,片中宣萱不但全程投入,而且甚有飛躍感,跳到馬尾飛揚、雙腳離地,成功掀起高潮。

　製作組另外還預備了古仔1997年在《華星光輝銀禧演唱會》中獻唱《像我這一種男人》的珍貴片段,片中古仔難得表現剝衫露出結實肌肉,令宣萱睇到「眼都凸埋」,並驚謂:「你肯做嘅?」之後又爆料指古仔根本不喜歡表演唱歌:「以前好似推你去死咁,叫你唱歌。」豈料古仔竟扯開話題,並自爆有人群恐懼謂:「你(嗰時)鬧啲歌手,我坐喺後面我都想死...喂,咁多人嘅現場」、「你唔好話推我做嘢,唔做嘢我都死,咁多人我唔得㗎嘛。」

　談到即將上演的新戲《尋秦記》,林峯坦言感動:「好感動㗎成件事,你首先唔會諗到自己二十幾年前拍嘅角色,喺二十幾年之後仲有機會重演先啦,仲要係原班人馬。我同李斯,即係(陳)國邦,當年嘅(對手)戲係比較多嘅,而我都好多年冇同國邦一齊演過戲,嗰個感覺係真係返晒來。」至於新加入團隊的朱鑑然,則指感覺很夢幻:「感覺興奮呀,以前係睇電視(見到),嗰刻係突然全部喺同一個空間,我覺得好神奇呢件事。」

　古仔坦言要齊集昔日原班人馬絕對有難度,並感激滕麗名的配合:「因為套戲唔係喺香港拍,真係要一段時間嘅,阿滕嗰時拍緊處境劇㗎嘛,度期係有啲困難,但佢都好幫手。」古仔續指其實當年《尋秦記》播畢不久已有電影版構思,等了這麼多年才正式上映,是因為想參與藝人帶出不一樣的感覺:「嗰時諗法係不如等十零年後再聚番埋一齊啦。你問我可以聚得番埋一齊都係緣份同運氣,好難得。第二件事,就係睇吓大家成熟咗之後,外型或者性格、表現各方面嘅唔同。」古仔還大爆劇中兒子項羽乳名「寶兒」的由來:「本來想叫佢羽頭(靈感來自妹頭、蝦頭等),但核突呀嘛,諗下諗下,佢係我寶貝仔不如叫寶兒啦!」、「仲有英文名㗎,叫David,因為 David Bowie吖嘛。」◇