【特訊】周六英超早場，熱刺主場迎戰曼聯。紅魔鬼憑麥比奧莫上半場開紀錄，但尾段連失兩球，不過最後馬菲斯迪列治頂入救命波，戰況峰迴路轉，最終打和2比2，各得1分。

　比賽初段曼聯表現極度保守，頭15分鐘無射門，32分鐘阿密特迪亞路右路傳中，麥比奧莫遠柱頭槌頂入，為曼聯領先1比0，麥比奧莫入球累積到第6球，曼聯近期連續7場有波入。

　主隊熱刺其後大反撲，多次埋門製造驚險鏡頭，其中基斯甸羅美路及祖奧包連夏都殺上前線施射，但過不到曼聯門將辛尼拉文斯十指關；曼聯之後有班捷文施斯高單刀失機，錯失擴大比數機會。

　戰至84分鐘，熱刺憑兩位後備兵合作扳平，烏杜治左路傳中，馬菲斯泰爾壓住曼聯中堅馬菲斯迪列治勁射破網，追平1比1。

　末段曼聯前鋒班捷文施斯高受傷離場，但由於後備名額用完，最後時段曼聯要10人應戰，結果真的出事，90+1威爾遜奧度拔禁區外施射，李察列臣門前加一頭反先2比1。

　不過賽事未完，90+6，馬菲斯迪列治接應角球攻勢，頭槌頂入，為曼聯戲劇性扳平2比2完場。◇