憑《久別重逢》入圍第四十三屆香港電影金像獎最佳女主角的許恩怡（Natalie），近日拍攝以運動為主題的商場廣告。開工日見她帶備全副武裝，包括水樽、耳機、水果，仲有護膚品、膠布、止汗劑、和替換衣服等，好專業。

　二十一歲的她原來是運動健將。「我接受過武術訓練，上年喺加州國際武術錦標賽參加四項比賽，全部攞冠軍。」Natalie帶點得戚說。

　有份角逐金像獎最佳女主角，已證明Natalie演技被受肯定。工作愈來愈多，她說幾忙都要運動。「運動令我搵返自己，可以拋開一切焦慮同煩惱。我好認同selfcare嘅重要性，selfcare過程令我哋覺醒潛力無限嘅可能性。」

　拍戲超不定時，一定會影響愛運動的Natalie。她說：「我會盡量每日做pilates，加埋每星期行山同人跳舞。真係好忙，就唯有喺屋企拉筋等運動。」◇