TVB Game Show《BCT強積金呈獻:弊傢伙!有嘢唔見咗!》由視帝陳展鵬(煎Pan)主持,潛力新人甄敏芳(Jenny)及林智樂(Felix)擔任「記憶助理」,每逢周日晚8點翡翠台播映。
今集亮相《弊傢伙!》的8位嘉賓,分別是揚言要「獎金喺我哋度,所以唔好望啦」的「肯定就是隊」:李幸倪(Gin Lee)、曾比特(Mike)、Garina@viva、Ada@viva,以及聲稱「我哋今日係贏硬,否則要報東張」的「東張西望隊」:區永權、吳幸美、陳懿德、何沛珈。兩隊藝人分開4個回合進行「記憶對決」,向終極Jackpot進發!
玩法是節目組將展示一系列不同主題圖片,並抹走每張圖片上的重要標誌/訊息。頭3個回合為60秒「限時賽」,兩邊參賽者以梅花間竹形式輪流作答,每題限時10秒,每答中一題均有紅利獎金;其中一方用完60秒後,回合即時終止,另一方剩餘的時間將轉化為「時間紅利」。第4回合是搶答題,率先答中3條問題的一方將有機會逆轉勝!為增加刺激感,每隊均有3張「S.I.M.Card錦囊」,分別為「SOS」與隊友商量、「Ice」暫停總計時30秒及「multiple choice」由主持提供三選一選擇題。
今集首四個回合題目為「TVB劇集歌曲歌詞」、「香港街道名牌」、「香港地標」及「唱片封面」。其中Mike與幸美在「TVB劇集歌曲歌詞」環節雖然競爭激烈,但卻不及煎Pan搶Fo。事緣其中一題是由煎Pan與蕭正楠合唱的劇集主題曲《巨輪》歌詞,由於阿Mike一直醒唔起相關歌詞,煎Pan遂哼清旋律幫Mike恢復記憶,惜Mike最後依然答錯,搞到視Mike為偶像的煎Pan搞笑嗌失望:「《巨輪》係我嘅歌,你答唔到我有啲失望。」Mike見煎Pan咁肉緊,即場替觀眾謀福利叫煎Pan清唱《巨輪》,煎Pan一開聲即全場拍掌,氣氛熱鬧。其實,近年煎Pan多次在直播及粉絲見面會中展現歌唱實力,並曾因清唱湯令山的《用背脊唱情歌》獲激讚,甚至有網民指樂壇欠他一個交代。
今集另一必睇位,是「學霸港姐」德德回答「香港地標」期間多次展現「快狠準」秒答神技,其中一條題目,德德更因答得太快太準,連自己答完都驚訝至「嘩一聲」,煎Pan對於德德的「神速」作答亦為之佩服:「唔知以為佢睇過啲題目。」除答題表現出色,德德在節目中的衣著亦相當亮眼,近日減肥成功的她,一襲大露背高衩裙將修長美腿及雪白肌膚展露無遺,相當搶FO。
同樣以答題速度搶盡焦點的還有Gin Lee,無論是甚麼年代的唱片封面,Gin Lee均能秒速KO,令出名轉數快的對手區永權亦大感壓力。除了答題表現,GinLee的幽默亦令人留下深刻印象,一出場即以「Gin Lee」大玩諧音梗,成功引爆笑聲。想親身感受節目熱鬧氣氛、同參賽藝人及歌手一齊玩埋一份。◇









