「看穿古今，預知未來」，由洪永城（Tony）、陳懿德（德德）、甄敏芳（Jenny）主持、堪輿學家陳定幫擔任顧問主持的玄學競賽節目《玄戰》，一共十集逢周一至五晚十點半翡翠台播映。

　《玄戰》周二周三一連兩集播映「黑白對戰賽」，為配合技高一籌的白先知首度正式登場，三位主持Tony、德德及Jenny齊齊換上白色戰衣，德德的款式是一字膊白裙，而Jenny則是斜膊超貼身白色晚裝裙，配以女神感十足的耳環，仙氣逼人，難怪獲網民洗版式讚靚女，指她似公主之餘，還封她為「百分之百完美雅典娜」，直呼希望Jenny以後能有更多演出機會。

　網民:「Jenny一身白色長裙出現嗰陣，既似純潔嘅白衣天使，又似一個充滿仙氣嘅公主，加埋set咗頭，真係靚到dum一聲」、「Jenny白色造型靚到成個雅典娜女神」、「純潔無瑕，仙女下凡」、「Jenny今晚《玄戰》純白色雅典娜女神造型好高貴好靚，我要入坑做佢粉絲了」、「今集Jenny一出場直情係雅典娜女神降臨咁，成個人散發住一種好神聖、好有氣質嘅光芒，同時又有高貴公主嘅感覺，優雅得嚟帶點倔強」、「希望TVB畀多啲機會Jenny出鏡同工作，咁靚嘅女仔好有觀眾緣，好容易入屋」、「Jenny又靚又叻，值得畀機會佢」、「第一次做主持已經合格」。由於Jenny全新造型實在太靚，有「啫喱粉」（Jenny粉絲稱呼）更為Jenny這身新造型特製了繪畫，相當有心思。對於獲讚入屋，Jenny神回應網民:「我依家喺屋企~已經入屋」，盡顯搞笑佻皮一面。而自主持《玄戰》後人氣急升的Jenny，由於討論度及熱度爆錶，連帶其IGFollowers人數也勁升百分之二十衝破三萬大關，對Jenny來說可說是一大強心針。Jenny對此坦言好開心:「我本身一路應承啲fans今年會衝破三萬，依家做到喇，好開心，好多謝大家一直咁支持我。」◇