《愛・回家之開心速遞》呢個大家庭真係好有愛，日前「三太」#樊亦敏自掏腰包萬歲，請劇組同埋一班拍檔喺電視城Canteen食午餐，佢更係社交平台發文寫道：「今天是個特別的日子，大家Try猜Why？」

　預留一日時間網民競猜後，第二日「三太」終於揭盅，原來呢餐飯包含咗三大喜事，第一樣喜事就係補祝「三太」55歲生日；第二單喜事就係祝賀李泳豪網上頻道火速達到10萬訂閱，老竇#李家鼎身體越嚟越好；而第三樣喜事，當然就係要祝賀楊明同女友莊思明LisaCh'ng修成正果，相信到時《愛回家》呢個大家庭，一定會拉大隊見證佢哋嘅婚禮呀。

　雖然《愛回家》就快要同大家告別，但佢哋之間情如家人嘅感情，一定可以繼續長長久久。◇