全新跳唱單曲《Starlight》MV上線，想笑就笑、想跳就跳！

　由Baron Music發掘、繼Honey Punch後又一年輕歌手誕生，她正是8歲就出道的女歌手吳欣彤（Isabella），繼首支抒情派台歌《每一句》後，終於在2026年推出第二彈──超級colorful的跳唱單曲《Starlight》！

　由金牌監製伍樂城（Ronald）與ChrisFu親自操刀，作曲編曲Sylvester（陳勇全）注入K-pop式輕快節奏，中文詞Simpson Ko用小朋友視角寫出「光與暗共存」的成長故事，英文rap則由Michelle Miu加持，希望聽眾聽完會想「跟住郁動」！

　Isabella笑住分享：「第一首MV好嚴肅，今次超開心、滿滿色彩！見到成品嗰刻，我差啲喊出來，因為真係同我腦海想像嘅繽紛世界一模一樣！」拍MV最難忘一幕係海邊取景，Ronald即時緊張咁提醒佢：「小心啲呀，唔好咁近海，小心跌落去！」Isabella即刻覺得好溫暖，返到屋企第一時間同媽咪分享，媽咪都感動話：「好開心有一間好公司和好同事照顧好Isabella！」

　而原來Isabella錄音一定要帶隻蕉食補充體力，亦都會帶一些請監製們食。還會時常不忘分享佢心愛的labubu公仔。她雖然只得九歲，但她與很多資深歌手的態度都一樣專業，很多時錄完」一take」當監製仲諗緊需不需要再錄一次的時候，Isabella自己已經說：「唔得唔得，再來多次。」年紀小小都對自己要求很高！

　而監製和老師一致大讚Isabella超有耐性、沉得住氣又超有禮貌，她的跳舞老師兼排舞師Apple Keung亦透露，當練習《Starlight》舞步的時候，起初都是望著鏡跳的，Isabella就自己提議可不可以嘗試換方向跳，然後她就向著四面每一面都跳了四次，即是連續跳了16次之多，在同齡小朋友中學習態度絕對突出！她8歲時參加「小歌手的誕生」大賽雖然未有得到獎項，但從未放棄，默默努力之下，終於打動到公司，簽下藝人練習生合約，接受專業訓練。出道後更獲邀以「DJIsa」身份，在《歡樂滿東華2024》、2025年《萬眾同心公益金》和《善心滿東華2025》等大型慈善舞台，分別與Yumi、Archie、Oscar涂毓麟、林二汶、Honey Punch等一起同台演出，發光發亮！

　Isabella說：「希望大家聽完《Starlight》會覺得好開心，一齊跳舞！就算今日唔太順，記住仲有光喺度，等緊你哋一齊閃耀！」

　而問到監製伍樂城為何公司簽約歌手越來越細時則說：因為學校越來越多有潛質嘅人，我只係畀一個機會同平台他們，讓更多人看到。◇