《保濟丸130周年呈獻:中年好聲音4》第三集《保濟丸130周年呈獻:中年好聲音4決戰大灣區》7日晚8點翡翠台播映。本季除了車婉婉,還加入了鄭衍峰做主持。

　第三集《中4》,再誕生多兩名5燈選手,分別為朱珠《如果沒有你》及雷小雷《唯一》,男女各一位「靚聲王」同場誕生。當中35歲、網絡音樂主播雷小雷,憑藉超強唱功贏盡好評,一開聲已令溦溦發出驚嘆聲,率先撳燈,最終橫掃五燈佳績,就連「手緊王」周國豐亦讚不絕口,周國豐:「今季暫時睇咗幾個賽區,都有好多把靚聲,你把靚聲唔係誇張,我會形容接近Hi-fi發燒,你把聲好靚喎!因為佢可能係音樂主播,佢控制聲音控制得好好。」溦溦更激動表示:「Sorry,我好激動,我好High啊真係!因為我想用四個字送畀你『恰到好處』,你嗰種舒服嘅感覺係由第一句開始令到我哋同你一齊入到首歌入邊。」、張佳添:「連續聽咗兩個靚聲好開心,一個女一個男,你唔Show off技巧好自然將首歌送畀我哋。」肥媽:「唱得唔需要力咁,好瀟灑,好開心聽到你唱呢首歌,揀啱歌同埋好適合你。」

　當晚一集,還出現了一位唱作型參賽者,他就是現年39歲的音樂製作人黃藝輝,獻唱原創歌《凌晨香港》的黃藝輝。黃藝輝唱出第一句已經打動了海兒,最後奪得3燈成績。海兒坦言:「我係好鍾意你把聲,因為好坦誠好真誠嘅聲嚟嘅。」更透露自己原來經常夜瞓:「我都好多謝你寫咗首歌畀凌晨嘅香港,因為自己都好夜瞓,I think is a good vibe.」、周國豐:「你有你嘅態度,尤其係你嘅創作當中,對於表演者嚟講,嗰個態度係好緊要先至會令人記得。」、溦溦:「你把聲真係幾好,但你一到後面嘅時候越來越唔穩陣,如果你後面冇爆得咁犀利可能會好啲。」◇