謝霆鋒一連四場啟德演唱會四月二十四日頭場開鑼，演唱會比原定開場時間7點半遲了半個鐘，霆鋒由頭到尾都是以同一件大會Tee示人。除了在主舞台上玩結他之外，霆鋒在巨型球體飛船現身場館半空，令山頂的觀眾都可以見到本尊。

　開騷前網上流傳霆鋒四場演唱會的嘉賓名單，有傳嘉賓分別是劉德華、陳奕迅、容祖兒加Twins以及壓軸嘅張學友。不過這份名單第一場已經被推翻，因為是無嘉賓，而且亦不設Encore時段。

　台上無嘉賓，但觀眾席就星光熠熠，霆鋒媽咪狄波拉同好友陳淑芬一齊到場，而MIRROR成員Stanley（邱士縉）、Jeremy（李駿傑）、Jer（柳應廷）、Alton（王智德）同埋AK以及周柏豪等都有去睇show。霆鋒所屬的英皇更加拉大隊捧場，張敬軒、容祖兒、蔡卓妍、關智斌、GinLee、鄧小巧、洪卓立、許靖韻及女團VIVA同埋老闆楊受成出席，大合照時更加令張敬軒同關智斌呢對好友再次同框。◇