826. 飛機上彈琴：高調。

827. 飛機上點燈：高明。

828. 飛機上跳傘：很快就有着落。

829. 飛機運茶壺：高水平（借「瓶」字的諧音）。

830. 飛機撞紙鷂：有咁啱就得咁橋。

831. 阿蘭嫁阿瑞：累鬥累（有傳言説，「蘭」諧音「懶」，「瑞」諧音「衰」，故名）。

832. 蟒蛇遇箭豬：難纏。

833. 龍王發脾氣：翻江倒海。

834. 生骨大頭菜：喻被寵壞的孩子（大頭菜的菜莖是軟的，壞的那些是硬的，就叫「生骨」）。

835. 客家佬買鞋：有咁大要咁大。

836. 跑馬射蚊鬚：渺茫過渺茫；形容機會十分渺茫。

837. 騎牛搵親家：出醜偏遇熟人。

838. 橋上倒涼茶：何苦（借「河」字的諧音）。

839. 牀下底踢毽：大家咁高。

840. 牀下底破柴：包撞板。

841. 唔使問阿貴：唔講都知（傳言清末名臣葉名琛任兩廣總督，柏貴為廣東巡撫。因柏貴昏庸無能，下屬有事都不去問他，而直接請示葉名琛，於是，民間 就有了「唔使問阿貴」的法了，後來還引申為「不容置疑」、 「眾所周知」的意思）。此外，坊間另有寫作「唔使問阿桂」，故事別有板本。

842. 問和尚攞梳：嘥氣；冇嗰樣攞嗰樣。

843. 阿奇生阿奇：奇上加奇。

844. 阿駝賣蝦米：大家都唔掂。

845. 雷公劈豆腐：搵軟嘅嚟訶（俗作「蝦」或「哈」）。

846. 洗腳唔抹腳：係咁揈；形容人花錢冇節制。

847. 滾水淥豬腸：兩頭縮。

848. 大老倌上台：係威係勢。

849. 大良阿斗官：罵人家是二世祖。

850. 大笪地賣粥：整定嘅。

851. 大姑娘做媒：講人唔講自己。

852. 大石砸死蟹：意指使用高壓手段，令人冇聲出。

853. 投石落屎坑：激起公憤（借「糞」字的諧音）。

854. 搬石頭上山：自找麻煩。

855. 趕狗入窮巷：反咬一口。

856. 細路哥剃頭：就快就快。

857. 飽死荷蘭豆：揶揄一些愛自誇的人，就好像荷蘭豆成熟時脹得爆開一樣。

858. 用手食西餐：冇叉用。

859. 挖肉攞瘡生：自討苦吃。

860. 擔掃把入屋：打橫嚟。

861. 賊佬試沙煲：小心翼翼地試一下。

862. 死雞撐飯蓋：死撐；死都想撐返生。

863. 殺雞用牛刀：小題大作。

864. 獅子開大口：胃口不小。

865. 蟻多摟死象：團結就是力量。

866. 蜑家婆摸蜆：望第二世（借「篩」字的諧音）。

867. 蜑家婆打醮：無得彈（借「無壇」一詞的諧音）。

868. 蜑家婆打仔：睇你走得去邊（因船的空間小，冇地方走）。

869.蜑家雞見水：得個睇字。

870. 火燒城隍廟：急死鬼。（二十二）◇