苑瓊丹為「香港開電視」主持《開工大吉77》節目，日前請來即將主持新節目《狼人開電視》的李尚正以及一批網紅現身節目大玩時下最流行的「狼人殺」遊戲，阿正自誇是精通此遊戲的高手玩家，並無厘頭笑謂：「以前我好自閉架，玩左呢個遊戲後，個人即刻開朗晒！」

　苑仔難得同大班後生仔拍節目，感覺自己都後生了。她續謂：「跟後生仔學下潮流嘢，學下潮語咁，自己轉數都快啲。佢哋仲建議我拍片分享下生活趣事，不過我生活太無趣啦，唔係返工就打牌，唔通拍我在麻雀枱上大叫清一色咩！」

　疫情下苑仔工作大受影響，不過她並無浪費時間，嘖嘖而說：「呢段時間我買齊架生，自己在家中拍片教人煮嘢食，然後放上網分享，另外又同中醫師研究有咩抗疫嘢可以做，我最鍾意無中生有架啦，既有益社會又幫到自己荷包！」◇