周家怡主演的電影《媽樣年華》日前獲家怡母校聖嘉勒女書院（St.Clare’sGirls’School）包場欣賞。電影播放完後，家怡聯同導演胡翠兒一同入場謝票，獲全場師妹及老師熱烈歡呼。當日家怡就讀時的校長亦親自到場支持，並與她深情擁抱，校方又送上花束，以及以家怡早前回母校探訪時的照片製成的燈箱，場面溫馨感人。

　見到昔日校長及多位已退休的老師到場支持，家怡坦言非常感動。謝票期間，她又特別勉勵在場師妹珍惜與家人相處的時間，鼓勵大家即使只是簡單地傳送訊息給父母，也是一份心意，「我以前好曳，成日鍾意躝街，又唔黐家，有一日我返到屋企見到我阿爸阿媽突然間覺得好似『嘩！點解佢哋好似老咗好多咁嘅。咦！係喎，其實我哋人係有限期個喎。』」她續說：「你哋如果咁細個就可以有呢一個諗法，咁你哋就有好多時間可以珍惜同屋企人相處嘅時間，係好正嘅。」即使未必即時說出口，只要心裏記住這份想法，亦同樣珍貴。

　當日，家怡讀書時的班主任亦有捧場，事後家怡分享當年與班主任的一件難忘事，笑言對方身兼訓導主任，表面嚴肅實質心軟，「因為嗰陣時我冇乜眉毛，我就畫眉返學，班主任見到我，都有嚟話我，佢話：『其實唔可以咁樣畫眉返學㗎喎。』◇