無綫全新旅遊節目《渣打優先理財呈獻：Grand住去首爾》，由高海寧、周嘉洛及朱敏瀚擔任主持，帶領觀眾前往韓國首爾體驗極致的吃喝玩樂，包括米芝蓮星級美食、打卡人氣熱點及奢華酒店等。節目一連三個星期六晚8點翡翠台播映。

　三位主持在節目中盡情發掘當地的頂級享受，包括到江南區的米芝蓮二星餐廳品嚐韓國創意料理，以及前往汝矣島大廈50樓的高級餐廳，一邊欣賞窗外夜景，一邊歎美食。他們亦介紹了一間由中韓夫婦經營、主打中式炭火串燒及打邊爐的餐廳；該店裝潢特別邀請韓國電影《與神同行》的美術指導設計，以「從原始時代邁向石器時代」為主題，極具特色。

　首爾聖水洞有一間極具人氣的「靚仔Cafe」，顧名思義，所有男店員都是「顏值在線」，高海寧特別撇甩周嘉洛和朱敏瀚到該餐廳「朝聖」。甫進店內，高海寧便獲高大靚仔Oppa親切款待。之後她坐下時，更有五位男店員輪流上前跟她打招呼，但原來最後兩位竟是周嘉洛和朱敏瀚，特別穿上Cafe的制服扮Oppa，氹得高海寧哈哈大笑，更說：「你哋呢身裝束得喎，贏晒！」

　他們入住江南區一間極Grand的酒店，周嘉洛與朱敏瀚盡情享受酒店內齊全的設施，包括K房、健身室、籃球場以及室內高爾夫球場。兩人在唱K時挑戰陳奕迅的《重口味》，邊唱邊跳，舞姿趣怪得來又不失型格。此外，朱敏瀚穿上背心做運動大晒「麒麟臂」，周嘉洛則以貼身上衣突顯肌肉線條，Man到爆！

　在品嚐海鮮期間，朱敏瀚即席示範「剝蝦絕技」，將整隻蝦放入口中剝殼，再吐出完整的原隻蝦肉，令高海寧嘖嘖稱奇兼拍爛手掌，周嘉洛亦不禁大讚：「仲完整過我用手剝！」他們於節目中又會分享擇偶條件，朱敏瀚坦言人與食物一樣，氣味非常重要。想知背後原因？就要留意今晚播出的《Grand住去首爾》。◇