無綫全新旅遊節目《渣打優先理財呈獻:Grand住去首爾》,由高海寧、周嘉洛及朱敏瀚擔任主持,帶領觀眾前往韓國首爾體驗極致的吃喝玩樂,包括米芝蓮星級美食、打卡人氣熱點及奢華酒店等。節目將由10月31日起、一連三個星期六晚8點翡翠台播映。

　之前三位主持在記者會上,已率先預告是次Grand住之旅,最大亮點是邀請了韓國頂流人氣藝人、《Running Man》元老金鍾國親臨節目。近日,金鍾國亮相節目的片段亦率先曝光。

　片段所見,金鍾國與朱敏瀚及周嘉洛齊齊現身gymroom大鬥「男子力」,有機會拜見韓國頂流爆肌代表,香港大隻仔代表周嘉洛及朱仔自然表現雀躍,二人與金鍾國打招呼時,忍不住係咁摸係咁摸,場面搞笑。出名唱歌好聽的金鍾國,除會在節目中展現邊做gym、邊氣定神閒高歌絕技,還大晒超強腹肌,可惜在預告片中,製作組為「金腹肌」打了格,想一睹金鍾國真正「腹肌實力」,就要留待節目正式出街。

　對於金城安與金鍾國歷史性同框,網民大感驚艷,有網民更搞笑以「金城安遇上Gym鍾國」為題分享消息,瞬間於半日內吸爆逾7,500Likes,大大燃點了節目的期待值。網民:「初初仲以為剪接/AI」、「我連節目名都未知就已經好想睇」、「還我遮咗嘅腹肌」、「呢個聯動勁有趣」、「我老公(周嘉洛)同金鍾國做gym」、「會唔會有Running Man Grand住番外篇」、「能力者!(金鍾國RM綽號之一)」、「香港大隻仔SVS韓國大隻仔」、「竟然係真」、「OM GOM GOMG」。◇