林寶玉、姚正菁日前遠赴意大利米蘭，參加Anteprima時裝周活動，二人到埗後更立即到米蘭主教座堂（Duomo di Milano）打卡。林寶玉表示近年多參加時裝周活動，今年獲數個品牌邀請出席活動，更有計劃進軍時裝界：「其實我都係時裝周『新人』，嚟緊會製作介紹時裝、紅地毯禮儀，好多品牌嘅朋友都支持我，所以都發邀請信畀我，但作為經理人梗係要帶埋菁菁一齊觀摩。」

　呢次遠赴米蘭除參加時裝周活動外，二人亦身負「重任」，寶玉雖然身穿品牌型格服飾，但係佢一啲都唔錫身，更化身攝影師不停瘋狂影相：「因為菁菁嘅新歌派台在即，我要幫佢影好多嘅相做宣傳，所以無時無刻佢都要做我嘅Model，完全冇得放鬆。今次呢個Trip畀人『抄牌』邀請我拍廣告，起初我都以為係搵藉口識女仔，加上要趕住睇騷交換完卡片就走，後來佢真係店舖員工，送咗好多小禮物畀我同工作人員，但唔知拍廣告係唔係真啦。」

　不過姚正菁反而非常享受「工作模式」，表示參加時裝周令自己大開眼界。一向鍾愛「小鮮肉」的姚正菁機場巧遇內地影星檀健次，雖然行程趕急但仍想追星一睹風采，認真瘋狂！◇