無人不愛的經典音樂劇《貓Cats》，又再強勢重臨香港舞台！首首動人作品由音樂劇大師Andrew Lloyd Webber親自操刀，改編自諾貝爾文學獎得主T.S.Eliot的經典詩集。憑藉破格的舞台設計、劃時代的編舞及華麗細緻的貓咪造型，這齣經典音樂劇曾在劇場界引起過前所未有的迴響，更屢破全球音樂劇票房紀錄。音樂劇雖以群貓為主角，但它帶來的影響力，早已超越單純的貓咪神秘故事世界。

　8月6日於戲曲中心舉行首演禮，眾多藝人盛裝出席星光熠熠，包括：賈思樂、戴夢夢、韋綺珊、劉洋、金凱、莊思敏、黃建東、李壁琦、蘇韻姿、張家誠、沈殷怡、蔡宛珊、孫慧雪、丁子朗等等。剛從大馬返港的莊思敏、黃建東成為焦點，分享莊思明的婚禮喜悅外，更大談對舞台劇的感受！

　莊思敏話佢以前未有機會睇過《貓Cats》，身邊朋友話這齣劇好好睇，加上她對舞台劇演出好有興趣，阿東就話自己是讀戲劇出身，所以不能錯過要欣賞《貓Cats》，更搞笑話如果有機會都希望同莊思敏一齊合作演出。

　賈思樂今日專誠來欣賞《貓Cats》音樂劇，好期待聽劇中經典歌曲《Memory》，而音樂劇作曲人Andrew Lloyd Webber是世界知名的。

　Louis話30年前他跟着EYT去英國拍外景，趁機去欣賞這齣音樂劇，當時已經覺得好好睇，事隔30年好多劇情都忘記了，今次《貓Cats》在香港演出就決定要來重溫。

　蘇韻姿原來8，9歲在加拿大就睇過《貓Cats》，當時年紀細，見到劇中人扮貓，還以為是真的，而呢晚佢最想聽是《Memory》，因為她亦曾經唱過這首歌，實在太難唱。

　孫慧雪帶同愛兒現身，指愛兒是舞台劇迷，專程帶他捧場：「佢都做咗好多次舞台劇，睇見佢彩排其實都好辛苦，我自己做演員就唔想佢第時做呢行，不過我知道佢心目中好想成為演員！我哋之前專登去咗美國睇音樂劇，其實覺得香港文化氣氛好濃、好好睇！」◇