姚正菁、林寶玉呢排「孖公仔」拍住上，二人組成最強組合，為菁菁回歸娛樂圈鋪路！早前菁菁自爆錄歌進軍樂壇，有意挑戰「新人獎」外，仲話同經理人林寶玉傾MV拍攝事宜。雖然製成品未派台，但菁菁經理人公司亦不敢怠慢，開拓經理人部外，亦擴充「新世界娛樂」辦公室大展拳腳，菁菁與林寶玉隆重其事盛裝出席！

　姚正菁表示現忙於「開會」、錄歌，重拾「少女時代」的忙碌：「而家最大改變就係每一日都覺得時間唔夠用，因為要去練歌、要做運動減肥、要拍一些生活或者旅行片段post上社交網站啦！原本想送花籃畀老闆，但Sam哥話唔使，出席切燒豬就得啦，好老闆唔想員工破費！」菁菁透露來緊會參加商演，令佢覺得非常緊張：「來緊都係唱歌同商演，我暫時都可以適應得到！以前主要係拍劇集，TVB嘅通告比較緊密，而家啲時間就冇咁緊張，無好似以前06:00通告，然後收廠半夜三四點咁辛苦啦，不過突然變返咁高強度嘅工作量，有啲返返去幾十年前剛入行嘅感覺。」

　而林寶玉變身做經理人，要重新打造姚玉菁，不過Connie竟多話二人「老友鬼鬼」。◇