資深藝人苗金鳳（原名林慧珊）於6月25日離世，積年享壽84歲。其家人昨日（9日）發出訃聞，公告喪禮會喺7月21日於大圍寶福紀念館舉行，翌日出殯。

　苗金鳳17歲入行，由演楚楚可憐嘅姑娘，到後來演霸氣長輩等角色，均精準拿捏演技，而最令觀眾印象深刻嘅角色，就要數到佢於1994年參演王心慰監製嘅劇集《第三類法庭》中，飾演女主角邵美琪嘅霸氣母親韋金鈴。另外於1998年，喺TVB台慶劇《烈火雄心》中飾演精神分裂患者「范瑞燕」，演技亦獲好評。◇