Ken陳啟泰宣佈復出後工作接踵而來，近日更參與保安局製作嘅《國安檔案解密》擔任主持，啟動禮上阿Ken分享佢同紀律部隊嘅淵源，事關佢先父係輔警警司，服務警隊三十年，長大後嘅阿Ken亦考過督察可惜未獲取錄，又曾考過消防，今次可以參與《國安檔案解密》，佢覺得好榮幸，該節目一連五集將會喺HOY78播出。

　早於七、八歲，其父就會帶他去看檢閱，不同的步操：「所以我對警隊嘅印象十分深刻，亦都好仰慕爸爸，幾十年前就種下咗種子，而家有機會參與呢個Project，真係好榮幸，亦都係對先父一個好大嘅交代。我每次去拜祭佢嘅時候，都會播片畀佢睇，我諗佢都會好開心。」原來Ken都考過督察，因為紀律部隊都係佢心儀嘅工作，可惜考唔到，亦都考過消防，考到後卻沒有選該工作，反而陰差陽金錯加入此行。

　自從病癒復出後，他接下不同種類的工作，不但主持《健康百萬大道》、又擔任《我要做主播》的評審，甚至有不少廣告都邀他拍攝代言，佢都覺得好充實：「可以接到咁多工作好開心，好榮幸。始終事業應該放喺首位，不過，無咗健康，有事業都無用，好多人都話其實呢啲唔係你嘅財產，如果你嘅身體唔好，呢啲係你嘅遺產，所以有咗健康任何事都變咗開心咗好多。」◇