【特訊】美加墨世界盃決賽周，北京時間周六繼續上演6場分組賽最後一輪賽事。焦點是凌晨3時，I組的法國同挪威硬撼。兩隊都兩戰兩勝，提早出線32強，而兩隊的前鋒麥巴比同夏蘭特，同樣兩戰各入4球，今場正面交峰，決定首名誰屬。

　同一時間，同組的塞內加爾會鬥伊拉克。兩隊同樣兩連敗，伊拉克兩仗已失了6球，出線渺茫，反觀塞內加爾必須勝出，才有機會以8支最佳小組第三名晉級。

　今早8時，Ｈ組有西班牙對烏拉圭；佛得角就對沙特阿拉伯。

　西班牙首戰和波後，上仗4:0大勝沙特，今場贏波就首名出線，和波亦能次名晉級；反觀烏拉圭兩連和後，今仗必須全取3分才能晉級淘汰賽。

　西非小國佛得角今屆表現令人眼前一亮，除了首戰迫和西班牙，上仗亦與南美勁旅烏拉圭賽和2:2，如果今仗勝出，將有望出線，再創歷史。主教練布比斯達指，球隊的表現表明，所有人都可以有夢想，實現並非不可能。

　今早11時，G組有埃及對伊朗；比利時就對新西蘭。

　埃及同伊朗一仗，預計會決出小組首名。上兩仗都打和的比利時，翼鋒謝利美杜古早前因妻子分娩誕下兒子，請假離隊陪產，他已經歸隊，預料會再正選上陣。◇