伍詠薇、李凱賢（Brian）拍攝HOY節目《九運會客室》在網上大受歡迎，當中嘉賓爆料環節令人非常期待！伍詠薇表示節目嘉賓以「中女」為主，充滿人生故事：「節目個內容我都有興趣嘅，因為我自己都中女嘛。節目中有師傅坐鎮，我覺得成件事都幾大包圍！我個人覺得同Brian有化學作用，互相做『上、下把』，大家一路進步緊，愈做愈舒服、愈訪問得愈好！」

　伍姑娘表示邀請嘉賓時，曾試過被人「拒絕」：「佢哋都會睇定啲嘅，而家佢哋know咗我哋嘅內容，有啲朋友會打來話想上我嘅節目！而家訪問中女有返咁上下年紀啦，以前以前點樣捱呀，去到而家點樣成功，我希望好多香港嘅女人見到『原來我都可以做我想做嘅嘢喎！』Just do it!」

　Brian笑指以為50歲以上才稱為「中女」，笑指拍檔伍姑娘做「『阿嬋』級」主持：「我當然知伍詠薇小姐係邊個啦，咁第一次接觸，我feel到佢個人真係nice嘅，即係有時可能啲動作比較癲咗小小，一路做慢慢夾，我feel到佢一個好嘅人！」Brian表示最難忘與羅霖訪問：「羅霖係其中一個最鍾意嘅，佢真係好好！當年嘅《真情》首歌好似國歌咁，一聽到就要起身致敬。」

　佢哋二人預告播出版將訪問簡慕華及梁嘉琪，當中更涉及娛圈「鹹豬手」。◇