唱作歌手何展睿（Steve）繼續遊走音樂、香薰、教學當中。早前舉辦調香派對，主題為「自癒．自娛」：讓大眾感受調香樂趣之餘，希望大家放下工作壓力，關心別人前好好自我療癒，他表示：「特登以自癒為主題，因為自己感同身受，好多時未顧好自己就落力幫人，令自己力不從心。所以悟出熱心幫人前，要好好愛惜自己。」

　Steve也透露最近有追看熱播劇集《正義女神》，眼見青少年故事及社會問題每日發生，青少年及家長也充滿壓力。有時跟年青學生上課時也為他們解決壓力疑難，建議放鬆方法，故很想推廣自癒人生，為港人打氣。

　活動上Steve教導粉絲了解自己屬於那類人格，為自己調配專屬香水。此外，分享音樂創作及創作新香氣「無花果五重奏」的心得。他表示創作香氣比音樂更輕鬆：「創作一首歌要曲詞編監唱，經歷好長時間、醞釀唱法同感覺。相反創作香水就自在得多，而家已經創作接近200種香水。客人好奇問靈感來自邊度，其實純粹將天馬行空想法投放香氣，譬如大米、榴槤、芫荽、楊枝甘露香氣，都係好受歡迎！」。

　談及近況，Steve表示相當充實且有成功感：因早前為搖滾歌《套戲未做完》拍攝而學習流行鼓，有始有終嘅Steve訂立目標要求自己完成八級。經多年努力，終考獲八級流行鼓考試，他説：「都係自己大突破，一向學開古典音樂，畀人斯文形象，所以更加想挑戰搖滾樂，最後成功過關。近期仲同幾位學生一齊應考演奏級考試，今日新鮮熱辣知道佢哋全部過關，真係雙喜臨門，老懷安慰！至於新專輯最後幾首歌亦錄音完成，終於可以向新目標花藝師進發。」

　講到花藝上，Steve表示花藝一向好有研究，剛報讀花藝課程，正式踏上花藝師之路：「我唔講求速成，覺得冇可能幾日學晒所有花藝技巧，所以已經讀完幾個花藝課程，而家都識得整花籃、手綁花束，我都特登喺活動上整咗迷你花籃送畀粉絲。臨近母親節，想比個驚喜媽咪，整一束花送畀佢，鼓勵佢繼續努力加油，快啲康復。」◇