藝人袁文傑日前到新城廣播接受羅沛琪（Pinky）主持的寵物節目《寵愛您》錄音訪問，暢談他與愛貓「卡仔」的相處點滴，並分享其對動物醫療的看法。袁文傑提到「卡仔」的名字，源自他喜愛的英超球隊阿仙奴的年輕球員沙卡（BukayoSaka），他表示：「啱啱嗰幾年就係沙卡呢個球員成長，佢都係自家培育出來嘅球員，所以好有感情。」

　袁文傑形容卡仔是一隻非常主動與人溝通的貓咪，與一般認為貓咪獨立的印象不同。他分享每天早上沖咖啡、播音樂時，卡仔都會伏在他旁邊，他更會對著貓咪跳舞，場面溫馨。他又憶述初次接觸卡仔的情景：「有個朋友佢有一隻異國短毛貓，她話送一隻畀你，叫我上佢屋企睇。然後我攞手機去拍，突然拍到有隻貓突個頭出來，就係呢下攞咗我命。」

　談到過去飼養的貓咪離世時的經歷，袁文傑言談間流露出不滿與傷痛。他憶述愛貓「囝仔」離世前的過程：「我記得囝仔走咗，我預計佢差唔多，因為佢重病，但出現嗰一剎那永遠都係咁突然，佢個貓砂盤我擺咗喺到半年都冇清過。」

　他特別提到對動物醫院處理手法的質疑：「我認為任何醫生都要係心理醫生，你有冇發覺？有時你帶貓貓狗狗去睇病，醫生講咩佢哋唔識聽，最主要係畀主人聽，其實個安慰成份係好大。最後你班醫生既然知道佢（囝仔）半邊身癱咗，你仲話要幫佢開刀，我話唔好。」

　袁文傑憶述當時醫生建議再進行磁力共振檢查，但囝仔在接受全身麻醉後未能醒來。他更指出醫生當時「沒有表情」，而主診醫生在他臨走時亦未有慰問。他坦言對此感到極憤怒，並指出過程中亦有自責。他表示花費了大量精神、心血及金錢，最終只希望貓咪能夠好過一點，但認為醫院的做法剝奪了貓咪最後與主人相處的時間。

　袁文傑慶幸現時有社交平台讓寵物主人互相支持：「例如有啲貓狗主人，佢哋自己可能都唔開心，自己寵物拜拜咗，放一張相出來，我哋留個言安慰，我覺得都係一種支持嘅力量。」◇