藝人梁嘉琪與香港閃避球隊長倫子儒日前為香港壽臣山獅子會主辦，年度旗艦服務之一的「無毒一生‧燦爛人生」禁毒活動，被邀請擔任禁毒大使。今年該會更與香港閃避球總會合作，進行「閃『毒』無限．燦爛人生Dodgeball禁毒盃」閃避球比賽。切合主題以閃及避招數企硬拒絕吸毒。

　  去年她在場外睇比賽的她，今年再擔任禁毒大使，她就膽粗粗一口答應落場，更爆冷未有出局。

　嘉琪笑言原本經理人說她能落場逗留一陣，目標是多拍幾張照片已很好，最後賽果6比6加時再賽，她竟然沒有被淘汰出場留到最後，實在意想不到。

　她說:「其實對手一開始就以為我好『渣』，冇放我在眼內，點知我係留到最後嗰位。我更要多謝另一個位禁毒大使倫sir(倫子儒)，佢係中國香港閃避球男子代表隊的隊長，事前都畀我很多提點，呢個運動需要很多體力、爆發力，任何年紀都適合，如果爆發力不夠就用其他招數，有人負責閃，有人負責扔球。真係玩得好開心。」

　大會主題是遠離毒品，嘉琪回想讀書時代，自問太純品，冇被引誘吸毒，但亦聽過有人嘗試接觸毒品，見到這些同學後來開始不返學，甚至退學，十分可惜。她說同學明明知道毒禍有害都去嘗試，可能就因為在人最脆弱、最無助、最想去逃避現實的時候，好易選擇錯誤。(你軟弱時候又如何面對?)「因為我好鍾意睇戲，唔開心想逃離現實世界，就選擇一個人去睇戲，放空一下。近年我反而愛上運動，認識好多做運動嘅朋友，譬如我去學羽毛球、學網球，不斷爆汗之後，只要發洩到，就算未必解決到問題，心情都好些。」

　近期她與李佳芯（Ali）、楊潮凱共同經營新網上頻道，更嘗試學剪片。

　她記得初入行做新聞主播就要學剪片，當年是用Beta錄影帶，年代久遠了，現今科技發達，令她大開眼界，亦多得楊潮凱鞭撻她，因為潮凱是電影導演，比較更懂得節奏或者用甚麼的效果，所以嘉琪話超級感謝潮凱。雖然她是做極簡單的小學生作品，但已經非常有滿足感。

　「閃『毒』無限．燦爛人生Dodgeball禁毒盃」假獅子會何德心小學舉行，現場設有多組別賽事，頒獎禮主禮嘉賓包括：大會主席香港壽臣山獅子會第三副會長曹海文、全國政協常務委員、行政會議成員高永文醫生GBS,JP、國際獅子會中國港澳303區總監梁鳳華獅姐、香港警務處元朗區指揮官梁仲文、香港壽臣山獅子會會長倫霈珊獅姐、香港閃避球總會會長李一、兩位禁毒大使梁嘉琪等。◇