游飈青年時代已加入演藝行列，以臨時演員開始佢嘅演藝生涯，數十年來參與作品無數，演活唔少市井小人物，雖然近年已轉型從商，開設環保清潔公司，不過於香港演藝人協會前年同佢專訪中，提起當年演戲經驗依然眼神充滿光芒。

　佢於專訪中提到當年拍攝大型打鬥場面嘅艱苦歲月，更認為雖然非常辛苦，不過一樣樂在其中，更帶住回味嘅笑意。

　受訪時約55歲嘅佢又提到，如自己壽命同早年離逝嘅搞笑泰斗吳孟達一樣得70歲，剩低嘅時間已然不多，所以會繼續為事業努力奮鬥，豈料十多個月後佢就突然離開人世，令人更覺唏噓。◇