64歲江華與71歲歌手麥潔文嘅兒子陳耀淙（Bryan）求婚成功！32歲陳耀淙任職醫院內科護士，初七（23日）宣佈向女友求婚成功。

　見二人身穿中學校服企喺學校門前，陳耀淙拎住戒指、單膝下跪向女友求婚，陳耀淙女友Manman曬出一張戴上求婚鑽戒嘅相，又指人生開展新一頁。Manman透露男友上年已經買咗戒指，江華同麥潔文正式升格做準老爺奶奶！

　陳耀淙於2017年加入醫護界做護士，2020年新冠肺炎爆發，自動入隔離病房工作，2023年於港大醫護學士畢業，而麥潔文曾受訪自爆家規嚴：「我同個仔講，如果你帶女朋友返來瞓，你女朋友要同我瞓。」◇