由《降魔的》、《跳躍生命線》方駿釗監製、《他來自江湖》、《創世紀》邵麗瓊編審的全新輕鬆動作喜劇《臥底嬌娃》，將由2月23日起、逢周一至五晚八點半翡翠台播映。劇集主要演員有馬貫東、張曦雯、陳瀅、羅毓儀、邵美琪、關禮傑、黃子恆、涂毓麟、吳子冲及鍾柔美等。

　《臥底嬌娃》是入行將近20年的馬貫東、第二部擔正男一劇集（第一部為尚未播出的《死有對証》），為了展現阿東勝任男一之實力，劇組主創人員為他設計了五種不同類型的Solo場口，分別是連場展現拳腳真功夫的動作戲、大晒結實身形的剝衫戲，與女主角張曦雯Kelly超乎想像的「埋身親密」戲，充滿青春活力的跳舞戲，以及超複雜的內心戲。

　根據無綫官網今午發佈的最新「搶先睇精華」，阿東將突破自己、與Kelly有一場超埋身接觸戲，除要打眼色、咬耳仔、主動摸腰兼摸PatPat之餘，還要型男上身魅力十足向Kelly講出挑逗性語句：「你係咪想同我單對單咁試好嘢，面貼面」、「不過我今晚冇Feel，下次吖！」根據官方之前發佈的宣傳資料，阿東劇中飾演Kelly上司，二人為何會有如此旖旎場面，實在耐人尋味。對於阿東、Kelly擔正男一女一，網民大感驚喜又期待，坦言阿東值得更多機會：「馬貫東擔正馬年第一劇，夠晒應節兼好意頭」、「馬貫東有演技有實力，值得更多機會。」

　談到劇中四大挑戰，阿東接受官方訪問時，笑言「親熱戲」及「跳舞」部份最大難度，更一度拍至懷疑人生：「減磅同打鬥場面都唔夠親熱戲咁難處理，尤其是同Kelly喺第一集嗰場由背脊一路摸到落臀部嘅場口，首先嗰一場戲喺比較早段拍攝，同Kelly未係好熟絡，但嗰場戲我同佢嘅距離非常近，但當時我內心其實好尷尬，摸到差唔多到臀部時仲開始好掙扎同擔心，如果Kelly唔制止我，導演又唔嗌cut機，我應該點樣做？如果自己停低，會唔會影響咗成場戲嘅推進？」、「跳舞又係另外一種難處，首先要記住啲舞步已經好困難，呢個係我最冇自信嘅範疇，但又要呈現出最有自信嘅一面喎，真係比起演戲更加難。拍Opening嗰場跳舞，我真係跳到懷疑人生。」

　  阿東又預告潘奕風城俯頗深，演繹上有一定難度：「佢係一個有好多秘密嘅人，主要係希望能令到觀眾不停思考、呢個人究竟係咪一個好警察。」◇