陳凱詠JACE首個個人紅館演唱會《JACEWORLD》將於2月18及19日（大年初二、初三）假紅磡香港體育館隆重舉行。為兌現與歌迷的約定，JACE全程親力親為參與製作，更成功爭取紅館史上首次開放企位區域，打破傳統座位界限，務求與觀眾零距離互動，一同投入最熾熱的音樂派對。

　距離演唱會倒數一週，JACE正進入最後綵排衝刺階段。團隊不惜工本租借場地進行差不多一比一排練，務求反覆打磨演出做到最好。JACE直言為演出調整狀態多月，說：「我用咗好長時間調自己嘅狀態，希望可以盡量平靜、專注。呢幾個月好努力，越近演出越緊張，但係越緊張就越想練多啲。我覺得只要準備充足，到時就可以俾大家睇到一個好好睇嘅表演。」

　為克服記歌詞的挑戰，JACE更自創跑步背詞法，事關她之前一直擔心記歌詞，這幾個月跑步就一邊跑一邊背住歌詞唱歌，並有信心無提詞機都唱到，說：「雖然提詞機喺邊我都未知，但我有信心，就算有提詞機都係俾大家一齊跟住唱嘅方法，我好歡迎觀眾同我一齊大合唱！」

　談及嘉賓人選，JACE難掩興奮：「第一晚請到嘅嘉賓，係我估唔到自己會請到嘅——陳慧琳！細個聽佢嘅歌大，佢嘅舞台魅力可以帶動全場開party，我好期待同佢一齊喺台上跳舞！」而第二晚嘉賓網傳是她曾合作的林家謙，JACE說：「雖然大家可能估到，但我夠膽講，一定有驚喜！佢嘅演出部分好有誠意，程度係我都覺得『使唔使咁勁』？」◇