《香港歐化飛鷹活絡油呈獻：中年好聲音4》第九集，將於25日晚8點翡翠台播映。本季除了車婉婉，還加入了鄭衍峰做主持。

　《中4》70強於上周日正式誕生，25日晚播出的第九集，70強將迎來「一對一PK賽」，爭奪40個晉級名額。PK賽出場次序由抽籤決定，並由5位評審肥媽、海兒、周國豐、張佳添及谷婭溦（溦溦）即場畀燈，得到5燈者可直接晉級，0至2燈選手即時被淘汰，至於獲得3至4燈選手，則必須從台下選手中挑選1位對手進行PK，若台下多於1人舉手，台上選手可反選；若無人舉手挑戰，台上選手則可任選。當進入PK環節，燈數較多者勝出並晉級；若燈數打和，五位評審將紅、藍燈二選一進行投票，最後獲得較多燈數者可晉級！

　今集除了一眾實力滿滿的參賽者，集可愛、感性及專業於一身的評審海兒同樣搶盡焦點！首先，當參賽者莫煥基以Jazz版演繹《我有我愛你》時，海兒一邊撳燈竟忍不住一邊甜笑，神情盡是欣賞，既少女又Cutie。另當有「頭號殺手」之稱的選手范子睿，獻唱原創歌曲《527》後，透露該首歌曲，無論內容及歌名均是想紀念於2022年 5月27日仙遊的婆婆。子睿續指由於自己是由婆婆親手帶大，所以婆婆離世後一直將自己困住，並於該段時期寫下了《527》。

　由於無論歌曲的歌詞及子睿的分享內容均相當感人及有血有肉，席間不但出名易喊的肥媽聽至淚流披面兼未能即時講出評語，就連海兒亦一再感動落淚，海兒更哽咽分享自身經歷，覺得自己身為孫女做得不夠好：「今日都好多謝你帶呢首歌來畀我哋，前幾日婆婆打畀我，嗰日我做到好夜，到而家都未打返畀佢，所有嘢都係一個Good timing.」盡顯感性及暖心一面。

　另向來愛向參賽者傳授秘技的海兒，還即場向71歲選手郭哲宏傳授飆高音小竅門「Pencil Technique」，原理既有趣又專業：「你就係幻想你Pat pat夾住一支筆，你就可以用埋你大髀Pat pat嘅肌肉力量，咁啲高音就會易啲唱。」想知道更多相關精彩資訊，敬請留意www.tvb.com◇