「《this is OUR STAGE》聲秀畢業演唱會」將於周日(18日)晚上在麥花臣場館舉行，《聲秀》十六強學員包括馮熙燮、柯雨霏、胡子貝、張津銘、徐惠晴、佈子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬會透過他們的歌聲向一眾導師致敬，感謝他們無私的教導，一起齊心完成這個具有特別意義的畢業演唱會。日前胡子貝、陸卓謙Jeffery和甄敏芳Jenny相約去了band房，子貝負責鍵琴，Jeffery彈結他，他們二人加上Jenny夾band夾得不亦樂乎，Jenny的導師蘇永康、子貝與Jeffery的導師吳浩康也到了band房探班，耐心教導三位學員如何如何做好「畢業的意義」。

　三位學員亦把握機會詢問導師的專業意見，Jenny:「阿公，在節目上面我哋係以作為學員的身份去演唱，而家我哋已經成為一個職業歌手，係一個咁大的舞台上面應該要有一個點樣的改變？」阿公回應她說：「以前我會同你哋講，你要想像第八行以後的觀眾都會聽到你唱歌，而家係要八十行以後都要聽到。將來如果你?有機會去紅館，再大的或者去到啟德，在你練習的過程中，如果只係用同一個力量對晒咁多個場館係唔夠的，呢個經驗係要你哋自己慢慢去累積。」Deep補充說：「假設我企在一個一千人的場館的台上面，我都係用一個二萬人場哋的方法去project，而家的首要點都當佢兩萬人場做選擇。」Jeffery問：「如果我在彩排的時候我個EarMon聽得唔好，我應該點樣做？」Deep說：「千祈唔好有任何不滿的樣出現。」子貝：「我哋比賽的時候係唱畀評判聽，但今次係演唱會係唱畀觀眾聽，我想問下老師我唱返比賽的歌，同埋演唱會唱同一首歌有咩分別？」阿公：「其實都係好在乎你比賽個陣能唔能夠感動人，你感動到的話你就已經成功了，其實你在平時練幾多，就拎返幾多出來。」◇