炎明熹將於12月24日，於亞洲國際博覽館舉行一場《風之旅MyVoyageGoesOnLive》音樂會，昨日開始公售，歌迷可以留意訂飛啦！

　早前她為演唱會拍攝海報，這次她以《風之旅》去命名音樂會，「因為我覺得「風」好能夠表達我個世界，「風」可以有好多唔同嘅形態，例如好多歌迷支持我，好多人對我好，我就滿心都係「暖風」啦，咁有時都會唔同狀態，會有冷風，更會打風添。哈哈。今次成個音樂會製作上面我都有參與，我想帶出自己好多感激的事，好多反思，好感謝我可以用到音樂表達到我内心嘅世界，同埋亦都希望可以透過音樂，比到大家睇到另一面一個進化當中的自己。揀歌方面，會有小小驚喜，所以大部份嘅歌曲都係未唱過，希望有一個耳目一新嘅感覺。」設計師及攝影團隊於現場set了一個人造田實景給gigi拍照，一到場她已非常驚訝，馬上跳進去。◇