夏韶聲（Danny Summer）8月舉行《Last Summer演唱會》，同時亦推出《天眼》漫畫特別紀念版賀開騷。演唱會結束後，Danny已開始再投入畫漫畫《西遊》第3集的工作，不過出名「寵粉」（愛錫粉絲）的Danny，卻聽到很多粉絲訴求，希望可以有機會請得偶像為漫畫簽名，於是決定11月1日在尖沙咀誠品書店舉行《夏韶聲的漫畫世界及簽名會》，希望能滿足粉絲所求。

　Danny在簽名會上表示：「咁多年以來，我有出過來幫粉絲簽書，但係仍然有好多係未簽得到，之前除咗喺書展可以有時間簽名外，實在有太多粉絲喺社交平台留言，佢哋都買咗我嘅漫畫，所以好希望可以攞到我嘅簽名，我同出版商傾過呢件事，覺得喺今日搞簽名會係最適合，過去喺我嘅演唱會已經有好多我嘅周邊產品賣咗，今日連唱片都可以攞埋來一齊簽。」

　完成了演唱會後，Danny原來已再度投入他的漫畫世界，「大家都知道我係唱歌同演戲，但係我隻手畫漫畫其實都已經20幾年，喺咁多年裏面我出過好幾本漫畫，最近就係《天眼》漫畫特別紀念版，另外一個系列就係現代版嘅《西遊》，已經出咗兩集，而家就畫緊第3集，因為開唱會已經有大半年停咗，而家又開始執筆畫返。」另外，Danny又提到《Last Summer演唱會》正計劃舉行巡演，「主辦商係傾緊，但係最快都要明年先舉行到。」

　這天簽名會有大量粉絲到場，除了買書支持外，又坐定定聽Danny的分享會，Danny透露當日因拍攝電視劇集《西遊記（貳）》開始構思《西遊》這個漫畫故事，「本來呢個係電影劇本來，我仲寄過畀吳宇森同周潤發，可惜都冇下文，所以我索性自己親自畫成漫畫推出。」

　一眾粉絲開心有機會一睹偶像風采，更不惜排長龍等偶像簽名，除了漫畫外，還帶了大量珍藏給Danny簽名。◇