無綫電視慶祝58周年台慶，推出連串台慶節目，全新台慶綜藝《中國建設銀行(亞洲)呈獻：攻你上大學》，將由今晚（27日）起、逢星期一至五晚上10點半於翡翠台播映，節目一共10集。節目由林盛斌率領2025香港小姐亞軍施宇琪及季軍袁文靜擔任主持，廣邀「城」中藝人一晚玩盡小學、中學、大學三個學術級別的學術常識題，答中終極題目成功畢業者，可贏得獎學金；另成功攻上大學的參與藝人，亦隨時有機會晉身11月19日台慶夜遊戲環節，角逐台慶鉅獎。

首集《攻你上大學》挑戰隊伍為台慶劇《金式森林》演員（排名不分先後）：羅子溢、陳曉華、何廣沛、羅天宇、何依婷、陳庭欣、莊子璇、陳浚霆、陳星妤及唐嘉麟，10位「同學仔」齊齊以校服亮相。雖然是學術常識問答比賽，但遊戲過程花生指數相當高，首先之前參選港姐時、已因半鹹不淡廣東話贏盡焦點的袁文靜，在節目中將再度大晒廣東話Rap功宣佈賽制，更獲阿Bob封為「地球上最勁嘅Rapper」，並Comment：「勁到不得了！」

文靜Rap爆全場後，笑問原創者唐嘉麟「聽唔聽得明」，唐嘉麟即反應甚快回應謂：「聽得明，因為我寫㗎嘛！」並大拋押韻熱血Bite：「我哋有信心唔係吹水，因為我哋係《金式森林》隊。」另因袁文靜的廣東話依然是有限公司，她在節目中不斷為藝人改「花名」，分別是「何廣屁」、「羅子二」等；另外轉數快的她，當聽到戴了眼鏡的子溢、表示因看不清楚題目答錯時，即反應甚快反問子溢：「咁你副眼鏡呢？」堪稱全晚「氣氛＋搞笑擔當」。另一大花生位，是阿Bob賽前突然訓示羅天宇：「唔好溝咁多女啦，好冇？！」陳庭欣聞言即和應：「啲真嘢唔好攞出來講。」之後Bob大玩諧音兼大擺ok手勢謂：「而家嗰個係得（德）呀！一定得呀！」而天宇亦即甜笑擺出「害羞ok手勢」回應，粉紅氣泡滿滿。

第一集的內容包括了小學及部份中學的答題部份，令人驚艷的是，第一題的「小學一年級中文題」、已考起方氏一家，題目：「方氏商業王國嘅『方』字係咩部首？」，陳浚霆更因為讀錯其中一個答案部首的發音而被封「陳浚J」。比賽初段，三大領先的參賽者竟巧合地是三位前港姐冠軍陳庭欣、陳曉華及莊子璇，令阿Bob不禁讚嘆果然「美貌與智慧」並重；而三位港姐冠軍中，以陳庭欣答題最有技巧、一度選用排除法答題；至於非港姐參賽者則以何廣沛實力最高，除了邏輯推理能力好、歷史常識也略勝一籌。值得留意的是，完成小學競賽部份後，會有三位參與藝人被淘汰，到底是哪三位，就要密切留意今晚首播的《攻你上大學》。

今集「小學級」好玩題目推介：

‧小學四年級英文題

填寫地址嘅時候，英文縮寫DE代表邊個地方？

A丹麥B多米尼克C德國D海地

‧小學五年級中文題

方老太想鼓勵大家要堅持，佢應該用以下邊個成語？

A水滴石穿B水滴穿石C滴石穿水E滴水穿石◇