《今晚有歌廳》由《中年好聲音》系列的黃劍文、顏米羔、支嚳儀及專業評審周國豐擔任主持，開啟金曲x故事互動音樂會模式，重現香港昔日「夜夜笙歌」的黃金時代，昨晚的嘉賓依然是BIGFOUR四子—張衞健（Dicky）、許志安、梁漢文及蘇永康。

　BIGFOUR出道16周年，四子感情深厚，而該集四子回憶起未紅時光、以及現階段的願望，更驚喜預告演唱會有全新突破。先是蘇永康分享了一個「一件褸四個人分」的有趣故事，蘇永康：「嗰陣時大家都搵到好多錢，許志安唔知點解有錢買咗件相當唔錯嘅西裝褸，嗰件褸分別着喺我身上、佢（Dicky）身上、譚耀文身上面。」當事人許志安表示：「試過有件衫返到來係改窄哂，借咗畀佢（Dicky）之後係着唔返！」Dicky笑言：「我都第四手啦，有乜所謂啫！」

　BIGFOUR在圈中出名老友鬼鬼，相識超過30年，感情相當深厚，四子未試過嗌交，分享了一段當年Dicky如何「拍爆玻璃門」，令梁漢文發嬲的趣事。梁漢文回憶當時他剛賺到錢買新屋，正當他在新裝修的廁所裡「解放」時，Dicky竟衝到廁所門口，隔著玻璃門對他大叫兼拍玻璃，結果廁所的玻璃門碎咗，當時梁漢文極憤怒：「走！走啊！」出名轉數快的Dicky，當時即刻話：「我走得，但係你着返條褲先。」令全場爆笑，幸好二人依然保持友誼。最後四子更齊齊獻聲，唱出相隔13年推出的新歌《赤子們》，唱出兄弟情。◇