夏日特備綜藝節目《鄰住買特約:大師兄WelcomeSummer大激戰》,逢周日晚八點翡翠台播映。

「大師兄」錢嘉樂率領阮兆祥、麥美恩、林秀怡、林正峰一眾「獎老」衝出錄影廠,大玩水上闖關遊戲,競逐超級終極大獎。每集均會有兩隊出賽進行對決,勝出隊伍可晉身終極回合、角逐總值超過港幣18萬元的獎品&現金獎。(PS現金獎佔八萬)。上集勝出的隊伍是「東張西望隊」,今集出戰的有黎諾懿率領的「主持隊」,及洪天明領軍的「獎門人好友隊」,「主持隊」成員包括:黎諾懿、劉穎鏇(Tiffany)、冼靖峰(Archie)、關楓馨、何泳芍、曾展望(GM)。「獎門人好友隊」成員包括:洪天明、周家蔚、湯盈盈、周家怡、衛志豪、葉泓聲。

周日(6日)一集okie最搶焦的,絕對是「夫妻檔」洪天明和周家蔚,二人全程拍住上玩遊戲、默契十足!先說「水中大電視」環節中,二人不但同心協力做出「心口碎大石」、「打尿震」、「槍戰」等多款高難度動作,洪天明更趁其他人專心玩遊戲時,偷偷孭起周家蔚氹愛妻開心,恩愛爆燈。之後於「水上障礙大賽」,周家蔚整濕衣衫運冰水時,由於唔夠力扭極扭唔出水,洪天明見狀即出口「護花」:「我可唔可以幫佢㗎?」說畢即熟手地幫周家蔚脫掉濕衫,還笑言「呢個我」,盡顯體貼及搞笑一面。

至於近日話題人物曾展望GM,則與天明大鬥划橡皮艇!雖然GM自誇「我師承李麗珊」,但面對洪天明以「產婦姿勢」奇招划艇,雙方可謂勢均力敵!節目另一個亮點落在「黑馬」湯盈盈身上,大師兄錢嘉樂踢爆愛妻盈盈為了上節目相當上心:「佢知道可以入嚟我哋度,即刻做咗三日Yoga!」結果皇天不負有心人,盈盈成功在新遊戲「大龜大龜跳」中,憑「手腳猜枚」為「獎門人好友」贏得漂亮一仗,以一人之力連續KO了「主持隊」6名隊員,獲錢嘉樂封為「烏MVP」。

  看似對愛妻窒頭窒勢的大師兄,其實亦十分著緊盈盈,眼見盈盈玩遊戲意外跌低時,錢嘉樂即「護妻狂魔」上身大叫:「唔准笑!唔准笑!」又在其他環節狂畀貼士兼向盈盈「打眼色」,認真偏心!◇