渣打優先理財及財富方案呈獻、StarTalentLimited主辦《陳慧琳Season2萬人結界演唱會》10場個唱，將於7月11日假紅磡香港體育館揭開序幕。是次演唱會以「萬人結界」為主題，Kelly將透過音樂、燈光及舞台效果，打造一個專屬的音樂能量場，與歌迷共同重燃30年來的經典時刻。

　Kelly昨日現身彩排場地，並分享說：「今次綵排係最後衝刺，今日嚟呢個1:1舞台模擬練習，因為紅館舞台好大兼舞台特別構造，排舞室冇咁大場地俾我哋真實咁走位，再加上演唱會有好大嘅道具、好多機關，配合舞蹈同dancer，今日所有人都要嚟綵排，台前幕後工作人員全部到齊，租用場地做3天大型彩排，希望趕及排練進度。」

　演唱會必然會有勁舞部份，Kelly透露：「演唱會其中一個結界（環節），係帶大家返去Y2K時代嘅Raveparty，所以記得要著輕便嘅裝束來一齊跳舞。」

　適逢Kelly入行30周年，唱片公司藉此機會推出新碟，Kelly說；「我自2018之後就冇出過碟，今次將呢段時間發行過嘅廣東歌及國語歌都收錄喺裏面，當中仲有一首未推出過嘅新歌，隻碟7月11日起在紅館優先開賣，7月15日正式公開發售。」Kelly又呼籲，到時觀眾記得準時入場，避免錯過精彩嘅opening環節。◇