小時候，家中擁有著所有《林子祥》的唱片，媽媽和哥哥都會帶埋我去看Lam哥有份參與的電影，對於仍然是小朋友的我，不懂分析，只是很喜歡看到他。

　逐漸，他的歌曲陪著我成長，覺得他的外型、聲音都很是特別，歌曲風格和市場的截然不同，演戲亦有著特別的喜感，各方面都對他十分欣賞。

　入行後，有機會認識Lam哥，原來他有著一股非常親和的氣場，我們是因為Golf而認識，間唔中佢就會帶我去打波，知道我鐘意食「蜜汁火方」又會請我食…我真係好Lucky得到這位超勁前輩的關顧。

　當我知道，Lam哥肯大駕光臨《中年好聲音3》的一刻，真係好興奮！真係好興奮！無諗過Lam哥和Sally前輩會來到我主持的節目現場，Lam哥更加成為當晚的主題人物，這個回憶是極級珍貴！

　Lam哥作風很低調，有人會擔心佢做評審會比較寡言，但係其實佢係好有sense of humor，好好笑㗎！仲有，雖然佢D歌曲隻隻都咁難唱，但係可以話俾大家聽，我嘅《中3》學員一D都唔失禮！連Lam哥賽後都同我講佢好Enjoy整個錄影過程，《中3》生真係叻叻！

　總之，呢一集好好睇！真係好好睇！個個都咁好睇！一定要坐定定睇，唔睇…係你哋嘅損失！◇