汪明荃與周嘉洛日前完成無綫全新綜藝節目《帶阿姐看世界》的澳洲站拍攝工作後,即急不及待在個人社交網分享拍攝花絮照片,亦令節目行程率先曝光。

　根據阿姐分享照片,二人先後到了RundleMall、德國村、位於BarossaValley嘅TheLouise、PinkLakeTinyHouse等,而阿姐與嘉洛仔還先後去了睇日落、FineDine、體驗了Roofclimb、自駕遊及Motorhome等,行程豐富。據知,是次澳洲之旅特別之處,是阿姐先後獻出了多個第一次,其中一個,就是AdelaideOvalRoofClimb。行程中,阿姐拿出驚人意志力克服自身畏高,與嘉洛仔齊齊登上位於橢圓球場的165呎高空打卡兼體驗RoofClimb。另外,走紅超過半個世紀、譽滿全球的阿姐,是次拍攝吸引了當地媒體的關注及採訪,並與嘉洛仔齊齊登上了當地報章的頭條新聞,認真威水!

　之前揚言為了襯番阿姐,在家中執衫執足六個鐘的嘉洛仔,照片所見果然八成服裝均與阿姐襯到絕,其中一套紫色CP裝更是相當醒神亮麗,難怪有網民留言指二人「好有母子Feel」,「零違和」襯到絕。對於阿姐急不及待開心Share行程花絮,網民紛紛留言表示期待,並大讚阿姐「好玩得好可愛」:「一啲都唔似78歲」、「從照片感受到快樂」。

　另在無綫娛樂新聞台的相關報道中,則曝光了嘉洛仔貼心愛照顧人的一面。事緣由於拍攝環境有點翳侷,為了幫阿姐降溫,嘉洛仔竟化身「人肉吹風機」,不斷用口將風吹入阿姐衫袖為其降溫,令阿姐甜在心頭。未知是否一下子換氣過度,嘉洛仔吹了一大輪後突然大叫:「我有啲缺氧,我暈一暈呀!」落力程度可想而知,有網民搞笑留言:「嘉洛仔真係好識氹女仔。」◇