文偉鴻（Jazz）監製《奪命提示》，主要由陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等出演。

　第一周Tiffany出動三百六十度完美「最強Body」製造一幕又一幕名場面，來到第二周，Tiffany改晒嗲功、電眼及甜美笑容，為劇迷送上福利。前晚（二十二日），無綫官方社交網上載最新一條「奪命提示搶先看」預告片，穿上白色小背心、下搭黑色短皮褲的Tiffany，以貓步慢慢爬向躺在床上的張振朗，手長腳長身形弗爆！爬近振朗後，Tiffany以搞笑味濃的情深款款、俏皮地撒著嬌問振朗：「想唔想食提子呀？」在首周劇情中與Tiffany撈亂骨頭的張振朗，聞言即一面鬼馬受寵若驚樣表示贊成。鏡頭一轉，Tiffany將提子放入口中後再餵振朗吃，感覺猶如Kiss般甜蜜，之後，再向振朗送上心心眼及甜笑，電力爆燈！

　近年在演戲方面屢創新突破的Tiffany，笑言「提子場口」最大難度是要克服怕醜性格，但幸好對手張振朗及監製Jazz都相當貼心，令她在安心又放心的情況下完成拍攝，Tiffany說：「振朗好好呀，佢知我怕醜，佢喺綵排時全程都瞇埋眼；到正式拍嗰陣，佢都盡量瞇埋眼，好Gentleman。至於Jazz都幫我盡量清咗個場，等我冇咁怕醜。」Tiffany又補充指振朗是很好的拍檔：「佢會成日認同我：『係呀，咁啦！好好呀！』，精神上畀咗好多Support我。」◇